اسكندرية لية ؟؟؟؟؟

نفس الشتا .. نفس الشوارع .. نفس الروح من 40 سنة

نفس المدينة الصبية التى لا تشيب

نفس المطر .. تتغيير الوجوه لكن تفضل بنفس الملامح

اموت واعرف سرك ايه ؟ فتنتك .. ساكنة فين؟

ما زلتى الوحيدة القادرة على جذبي من شعرى من اى مكان

يا جميلة .. يافاتنة .. يا عاقلة ومجنونه

لو عايز تبقى اسكندرانى لازم تمر بإختبار .. تترمى فى البحر وما تغرقش 

لو شالتك الموجة تبقى خدت الجنسية 

لو ناداك المطر قمت من سريرك فى عز البرد تتمشى على الكورنيش 

لو خرجت الساعه 12 باليل فى عز العاصفة لقيت الناس كلها فى الشارع بتسمع فيروز

لو تعرف يعنى اية محطة الرمل فى الشتا

لو حافظ شارع فؤاد زى كف ايدك

لو بتحب من غير سبب

لو بتستنى النوة من السنة للسنة

لو البرد بالنسبة لك هو الدفا

لو قلبك بيرف لما الموج يغرقك و انت متكتك بتتمشى على البحر بتاكل ايس كريم 

لو بتقشعر لما تسمع اسم بحري

لو تعرف يعنى ايه دلال ويعنى ايه جدعنة

لو روحك انترناشيونال

لو بكاش .. ونخاع .. وزي القمر ..

لو حاجات كتير عندك مش فاكراها ..

تبقي انت اسكندرانى .. :))